కవితలు

కవిత చదవండి. మీ విలువైన అభిప్రాయాలను తెలియజేయండి “ఓ చెంప జననం మరోపక్క మరణం ద్వంద్వ సమాసంలా ఆనందం దుఃఖం.. ఇంకెక్కడో ద్వేషం మోసం అసూయ త్రిక సంధిలా తట్లాడుతుంటాయి.. అక్కడెవరికో పదవొచ్చిందని ఇక్కడ గుండెల్లో మంట రేగుతోంది.. ఎక్కడో పార్టీలో ఎవరో దొరికారని నిద్రని తరిమి నిశీధిలో.. యూ ట్యూబ్ వీడియోల శోధనలో తనని తాను మరచి.. ఆవేశం ఆక్రోశం అవహేళన వ్యాప్తి చేస్తూ ఇక్కడ చాకిరేవులా మార్చుకుంటున్న బతుకు .. కుళ్ళు చెత్తతో బుర్ర […]

సృజన క్రాంతి సంపాదకులు శ్రీ విల్సన్ రావు కొమ్మవరపు Wilson Rao Kommavarapu గారికి హృదయపూర్వక ధన్యవాదాలు ఉయ్యాల తొట్టిలో పొత్తి గుడ్డ గిరగిరా తిరిగే గిలక బొమ్మ.. వెన్నెల రాత్రిలో వేడి బువ్వ చందమామలో కుందేలు.. జాతరలో దొరికే చెరుకు గడ పండుగ రోజు పట్టు వస్త్రం.. కన్నీటిని తుడిచే కడకొంగు తడబడే అడుగులకు ఊతం.. పడిపోతే లేవనెత్తే ఆసరా జీవిత పుస్తకంలో తొలిపాఠం నేర్పించే గురువు.. గెలుపు ఓటమి ఏది వరించిన నన్ను నన్నుగా

“జీవన్మృత్యువు”. ఈ వారం నవ తెలంగాణ సోపతిలో ప్రచురింపబడిన నా కవిత చదివి మీ అమూల్యమైన అభిప్రాయాలు తెలుపండి. శత్రువు లేని యుద్ధం వరద పోటెత్తినట్లు నెత్తుటి ప్రవాహం.. క్షణక్షణానికి విస్తరిస్తున్న వేదన ఆయుధాల కోతలతో ఉగ్గబట్టిన ఊపిరి .. నడుముకింద నవనాడుల్లో భరించలేని రాపిడి గాలిలో దీపమవుతున్న ప్రాణం.. తొమ్మిది నెలలు కాపురమున్న అతిధి కొత్తలోకంలోకి రావాలని జరిపే విశ్వ ప్రయత్నం .. ఉప్పెనలా ఉధృతమై ఊరుకుతున్న ఉమ్మనీరు జీవన్మృత్యు పోరాటం .. కేర్ కేర్

నేను గొప్ప నేనే గొప్పని విర్రవీగుతారు.. చిన్న కష్టానికే ఓర్వలేక కుదేలయిపోతారు.. కులమతాల కుళ్ళులో జలగల్లా పొర్లుతుంటారు.. ఎవరో పట్టించుకోలేదని ప్రేమకోసం దేబిరిస్తూ ఉంటారు.. స్వార్ధాన్ని నెత్తిన పెట్టుకొని ఊరేగుతూ ఉంటారు.. విజ్ఞానపు ఫలాలనెన్నింటినో చేజిక్కించుకుంటారు.. ఆధునిక వసతులనెన్నిటినో అందిపుచ్చుకుంటారు.. డబ్బు జబ్బు చేసి నానా యాతనలు పడుతుంటారు.. ఎదిగిన బిడ్డలకు వీసా రెక్కలు కట్టి లోహ విహంగం ఎక్కించేస్తారు.. డాలర్లు బంగారు బిస్కెట్లు కడుపాకలి తీర్చవని తెలిసి ఒంటరితనాన్ని నిందిస్తూ ఉంటారు.. నడుమొంచి పనిచేయక రాని

ఏడాదేగా అయింది నేర్చుకున్న పాఠాలు అప్పుడే మరిచావా.. పునఃశ్చరణ చేసుకోవడం పనికిమాలినదంటావా. నియమాలన్నీ గాలికొదిలేసావా.. నిందలన్నీ ఎదుటివారిమీదకే నెట్టేస్తావా.. ఆత్మపరిశీలన అనవసరం అనుకున్నావా.. ఇకనైనా అప్రమత్తం కాకుంటే నీ రక్షణ కోసం సంభవామి యుగే యుగే అంటూ దేవుడు వస్తాడో లేడో కానీ నీ భక్షణ కోసం సంభవామి పదే పదే అంటూ సైతాను మాత్రం కొత్త శక్తులను కూడకట్టుకుని కోటానుకోట్లుగా నీ ఊపిరిలోకి ఉప్పెనలా దూసుకొస్తోంది నాకేం కాదనే ధీమాని వదిలిపెట్టి పునఃశ్చరణ పాఠాలు మొదలుపెట్టు

ఈ నెల[జూన్] విశాలాక్షి మాసపత్రికలో నా కవిత “మకరందం” ప్రచురితం అయింది. శ్రీ ఈత కోట సుబ్బారావు గారికి ధన్యవాదాలు. “మకరందం” చదవండి. మీ అమూల్యమైన అభిప్రాయాలను తెలుపండి. ఎర్ర చందనపు చెక్కలు కావుసుగంధం వెదజల్లలేవుమల్లెపూల పరిమళాలు కావుమైమరపించలేవుదేహపు విసర్జితాలన్నీ దుర్గందాలేనీలో నాలో అందరిలోకానీ ..పెదవి దాటి వచ్చే మాటొక్కటే మకరందంమాట్లాడితే మనసు తేలికవ్వాలిమాట హృదయ వీణను మీటాలికరువు నేలను వాననీటి చుక్క తడిపినట్లుమాట గుండె బరువును దింపేయాలిమాట వెన్నెల్లో జాబిలి అవ్వాలిజాజిపూల పరిమళంలా మనసును చుట్టేయాలిమాట

బహుళ త్రైమాసిక పత్రికలో నా కవిత “సహచరుడా”. Jwalitha Denchanala మేడం గారికి ధన్యవాదాలతో..సహచరుడా..! చదవండి. మీ అమూల్యమైన అభిప్రాయాలు తెలుపండి చిత్రాలు శిల్పాలుఅధివాస్తవ అభూతకల్పనల్లోనే మాకు రక్షవాస్తవ నిజరూపంలోఅడుగడుగునా మాకు పరీక్ష పువ్వులు లతలులేడికూనలు అరిటాకులుఇంకెన్నిటితో సాదృశ్యం మాకుశంఖం లాంటి మెడతామర తూళ్ళ చేతులుశిఖరాలవంటి కుచాలుఅరిటి బోదెల్లాంటి పిక్కలు వర్ణనల్లో ఆదమరిచిన మాకుగొంతులో దిగిన విషపు కత్తియదార్ధాన్ని బోధిస్తుందిమీ సౌందర్యాత్మక దృష్ఠి మాకొద్దుమీ ఆరాధనలు పూజలు మాకొద్దుసాటి మనుషులుగా సహచరులుగాగుర్తింపు చాలు మాకు అనుమానం అవమానంమానవతి

ప్రేమికుల దినోత్సవం రోజున ఈ వారం సృజన క్రాంతి పత్రికలో నా కవిత “ధీమా”. మిత్రులందరికీ ప్రేమికుల దినోత్సవ శుభాకాంక్షలు అతను పిజ్జా డెలివరీ బాయ్ నేను సాఫ్ట్వేర్ ఇంజనీర్ అలసటతో ఇంటికొచ్చిన నాకు వంటింట్లో అడుగుపెడితే నీరసం అతను గుర్తుకు వస్తాడు ఆ క్షణం క్షణాల్లో ప్రత్యక్షం అవుతాడు పిజ్జాతో వెళుతూ వెళుతూ కాసిన్ని నవ్వులను పిజ్జా తో పాటు డెలివరీ చేసిపోతాడు నవ్వులన్నీ ఏరి మూటగట్టుకున్న నాకు నా వలపు పిలుపు ఎక్కడుందో తెలిసింది

ఈ వారం నవతెలంగాణ సోపతిలో నేను రాసిన కవిత “తలలు-మొండాలు”. సోపతి సంపాదకులకు హృదయపూర్వక ధన్యవాదాలు. కవిత చదివి మీ అమూల్యమైన అభిప్రాయాలు తెలుపండి మమ్మల్నిన్కా పూలతో తీగలతో పోల్చకండి మా ఒంపుసొంపుల్ని మీ కావ్యకపటాల్లోకి నెట్టకండి త్యాగాలు మీ వంతు అంటూ ఆంక్షలు విధించకండి.. మా వేదనలను వినే సమయం మీకులేదు మా సమయాలను మాత్రం మీకోసం లాక్కోకండి.. ప్రేమ దోమ అంటూ మా వెనుక పడకండి ప్రేమికుల రోజంటూ పూలబొకేలు ఇవ్వకండి.. మీ మాయలోపడి

పండుగ అయిపోయినా జ్ఞాపకాలు గుండెల నిండా ఉంటాయి. నేటి నిజం పత్రికలో నా కవిత “ముగ్గంటే”. బైసా దేవదాసు గారికి ధన్యవాదాలు. 17-2-2024 మా పెళ్ళి రోజు సందర్భంగా ఆశీస్సులు అందించిన మిత్రులందరికీ ప్రేమాత్మకమైన ధన్యవాదాలు వాకిట్లో నాలుగు చుక్కలు పెట్టి రంగులేయడం కాదు ముగ్గంటే నలుగురు మనుషులను కూడగట్టడం వాకిళ్లు చిమ్మి కళ్ళాపి చల్లే పనిమనుషుల సందడి పేడకళ్ళకోసం వీధుల్లో పోటీపడి తిరిగే అమ్మలక్కలు రాతి ముగ్గుపిండి రతనాల పిండి మల్లెపువ్వంటి పిండి సమయానికి తగుమాటలల్లి