క్రింది కవిత “పెట్టెలో బొమ్మనవ్య వీక్లీ లో ప్రచురితమైంది. చదివి మీ అభిప్రాయాలు తెలియజేయు ప్రార్ధన.

————————————————————————————————————————-

అర్థరాత్రి ఏ జాములోనో
నిద్దర్లో ఏ దుస్వప్నాన్ని తిలకించాడో !
బిడ్డ ఉలిక్కిపడి తల్లిని హత్తుకుని
అమ్మా! నాన్నేప్పుడొస్తాడే! అడిగాడు
వస్తాడు నాన్న శూరుడై , ధీరుడై
ఉగ్రవాద ఉక్కు పాదాన్ని పాతాళానికి నెట్టివేసి,
విజయ కేతనాన్ని ఎగరేసి వీరుడై వస్తాడు!
మరి నాన్న వచ్చేటప్పుడు పెట్టి నిండా నాకు
బొమ్మలు తెస్తాడా?
తప్పకుండా అన్నదమ్మ.
పెట్టెలో బొమ్మలు తెస్తాడని చెప్పావుగా
మరి నాన్నే పెట్టెలో వచ్చాడేంటమ్మా?
ఇక్కడ మనందరం హాయిగా నిద్రపోవటానికి
అక్కడ నాన్న ఎన్నో నిద్రలేని రాత్రులు గడిపాడు.
సరిహద్దుల్లో ఉగ్రవాద రక్కసిని పెకిలిస్తూ
పెట్టెలో బొమ్మై తిరిగి వచ్చాడు!
వీరజవానుకు అశ్రుతర్పణాన్ని
నివేదించింది వీరపత్ని

నా కళ్ళ ముందు జరిగిన కొన్ని సంఘటనలకు, నాకు కన్నీళ్ళు తెప్పించిన వాస్తవ ఘటనలకు మనసు చలించి ఆ అనుభవాలను కథలుగా రాయడం ప్రారంభించాను. ప్రముఖ పత్రికల్లో యాభై కథలదాకా ప్రచురితం అయినాయి. . నవ్య వీక్లీ, విశాలాక్షి, వైశానక ప్రభ పత్రికలు నిర్వహించిన కథల పోటీలో బహుమతులు కూడా పొందాను.
guest
2 Comments
Inline Feedbacks
View all comments
దాసరి చంద్ర
దాసరి చంద్ర
June 21, 2020 9:58 am

గుండెల్ని పిండే కవిత

దాసరి చంద్ర
దాసరి చంద్ర
June 21, 2020 10:01 am

గుండెల్ని పిండే కవిత.
నిద్రలేని రాత్రులు గడిపి పెట్టెలో నిద్రపోతున్నాడు